-
-
-
-
पोखरा । नेपाली कांग्रेसका नेता एवं पूर्व मन्त्री रोमी गौचन थकालीले नेता भन्दा कार्यकर्ता नै वरिष्ठ भएको बताएका छन् । नेपाली कांग्रेस गण्डकी प्रदेशको पोखराको सभागृहमा भइरहेको प्रथम सम्मेलनमा सम्बोधन गर्दै नेता थकालीले मुस्ताङमा कांग्रेसलाई एकतबद्ध गराउन गुटबन्दी भएको चर्चा गर्दै भने, ‘कार्यकर्ता वरिष्ठ हुन् नेता होइन ।’
उनले अन्य जिल्लामा भएका षड्यन्त्रको चर्चा गर्दै नेतृत्वलाई सोधे, ‘कांग्रेसको बलियो प्रभाव भएको चितवन र तनहुँमा के भयो ? कमजोरी कसको हो समीक्षा गर्नुपर्दैन ? तनहुँमा गोविन्द भट्टराईलाई किन शहीद बनाइयो ?’
उनले पार्टीका खातिर छोरालाई पनि बलिको बोको बनाएको दुःखेसो गरे ।
