-
-
-
-
जनवादी कविता लेख्ने प्रगतिशील कवि यिनी
अग्रगामी सोचका शब्द धारिलो दिव्य बनाउनी ।
‘घुम्ने मेचमाथि अन्धो मान्छे’ लाई चिनाएर
खबरदारी गरिरहने कर्तव्यमा हिँडाएर ।
स्वतन्त्रतता देशभक्ति भूपिका कृति अमर
मार्कस्वादी सोचका धनी बहुनामका श्रष्टा सरासर ।
साझा पुरस्कारले सम्मान, राष्ट्रका कवि गौरव
स्वतन्त्रतता देशभक्ति अरु ठूलो केनैछर ।
शहीदको सम्झनामा वीरगाथा हृदयदेखि
युगौँ युग सम्झाइदिने कर्तव्यका पंक्ति लेखी ।
शहीदको बलिदानले देश स्वतन्त्र भएको छ
नबिर्सिने गरी यहाँ, तारा झरी गएको छ ।
मिर्मिरे बिहानीका लागि रक्त थोपा चुहाउँदा
चम्केका तारा झर्नु पर्ने रातो सूर्य उदाउँदा ।
सुन्दर संयम समाजको कल्पना कविको मन
झ्याउरेमा पनि कलम चल्दछ क्या छ विचित्र पन ।
अनुप्रास छन्दमा लेख्ने, मुक्त छन्द रुचाउने
शिखर कवि पद पाई सरल भाषा बुझाउने ।
