-
-
-
-
काठमाडौँ । निर्देशक नितिश तिवारीको फिल्म ‘रामायण’ लाई लिएर बलिउडमा यतिबेला चर्चा छ ।
‘रामायण’ मा फिल्मस्टार रणवीर कपुर र साई पल्लवीको अभिनयको चर्चा छ ।
यो चलचित्रमा अब थप दुई शक्तिशाली स्टारको प्रवेश गरेको बताइएको छ ।
अब यो चलचित्रमा अभिनेत्री लारा दत्त र बबी देवलको नाम पनि थपिएको खबर मनोरञ्जन जगतमा छ ।
भारतीय सञ्चारमाध्यमका अनुसार लारा दत्तले निर्देशक नितिश तिवारीको फिल्म रामायणमा राजकुमारी कैकेयीको भूमिका निभाउनेछिन् ।
यति मात्र होइन, नायिका पनि यो भूमिकाका लागि राजी भएकी छिन् र फिल्ममा उनको प्रवेश लगभग फाइनल भइसकेको छ ।
बबी देवललाई पनि निर्माताहरुले अप्रोच गरेका छन् । प्राप्त जानकारी अनुसार बबी देवललाई फिल्ममा कुम्भकर्णको भूमिका अफर गरिएको छ ।
तर, फिल्म स्टारले भने अहिलेसम्म ग्रिन सिग्नल दिएका छैनन् । यस्तो अवस्थामा उनी यस फिल्मको हिस्सा बन्ने कि नहुने भन्ने कुरा अझै स्पष्ट भइसकेको छैन ।
