-
-
-
-
काठमाडौँ । गायन रियालिटी शो इन्डियन आइडल सिजन १४ बाट बाहिरिएकी गायिका मेनुका पौडेलले नेपालको साङ्गीतिक क्षेत्रले आफूलाई अझ बढी मेहनत गर्न सिकाएको बताएकी छन् ।
आइतबारको एपिसोडमा शोबाट बाहिरिएको घोषणा भए लगत्तै सोमवार गृह जिल्ला झापा आइपुगेकी गायिका पौडेलले नेपालले सङ्गीत क्षेत्रमा अझ धेरै मेहनत गर्ने प्रेरणा दिएको बताइन् ।
भारतको रियालिटी शोमा आफू उत्कृष्ट दशमा पुग्नु नै आफ्नो लागि ठुलो सफलता भएको उनले बताइन्।
उनले आफूले नसोचेको सफलता हात पार्दा धेरै नै खुसी मिलेको बताइन् ।
उनले यस्तो सफलता आफूले बिरलै पाउने बताइन् ।
बलिउडमा धेरै गीतहरू गाउनका लागि अफर आइरहेको बताइन् ।
गायिका पौडेललाई सोमवार झापामा साहित्य चौतारी तथा सप्तक सङ्गीत विद्यालयले सम्मान तथा अभिनन्दन गरेका थिए ।
