-
-
-
-
काठमाडौं । नेकपा एमालेको केन्द्रीय कमिटी बैठक आगामी मंगलबारदेखि बस्ने भएको छ । पार्टी कार्यालय च्यासलमा बिहीबार बसेको सचिवालय बैठकले फागुन ८ देखि १० गतेसम्म बस्ने गरी केन्द्रीय कमिटी बैठक बोलाउने निर्णय गरेको हो ।
बैठकमा पछिल्ला समसामयिमक विषयको समीक्षा, संगठनात्मक समीक्षा, जनतामा आधारित पार्टी निर्माणको सन्दर्भमा कसरी व्यवस्थित गर्न सकिन्छ भन्नेबारे छलफल हुने बताइएको छ ।
त्यसैगरी सचिवालय बैठकले पार्टी कार्यालय बनाउनका लागि एक सय रुपैयाँ चन्दा उठाउनेसमेत निर्णय गरेको छ । पार्टीको जग्गा तत्कालीन पार्टी मुख्यालय रहेको स्थल मदननगर बल्खुमा छ ।
एमालेले अब पुरानै ठाउँमा पार्टी कार्यालय निर्माण गर्ने भएको हो ।
