चौथो टेष्टमा इङ्गल्याण्डविरुद्ध भारत ४६ रनले पछाडि

हाम्रा कुरा

प्रकाशित २०८० फागुन १३ आइतबार

काठमाडौँ । इङ्गल्याण्ड विरुद्धको चौथो टेष्ट क्रिकेटको पहिलो इनिङ्समा भारत ४६ रनले पछाडि परेको छ । राँचीमा भारत ३०७ रनमै रोकिएपछि ४६ रनले पछि परेको हो ।

ध्रुव जुरेलले सर्वाधिक ९० रन बनाएसँगै भारतले सम्मानजनक योगफल जोडेको हो । सो क्रममा आठौँ विकेटका लागि जुरेल र कुलदीप यादवबीच ७७ रनको साझेदारी भएको थियो । त्यस्तै ओपनर यशस्वि जैसवालले ७३ रन बनाए । इङ्गल्याण्डका शोइब बशिरले ५ विकेट लिए ।

यसअघि पहिले ब्याटिङ गरेको इङ्गल्याण्डले ३५३ रन बनाएको थियो । जो रुटले अविजित रहँदै १२२ रन बनाए । ११२ रन जोड्दा नै ५ विकेट गुमाएको इङ्गल्याण्डलाई सम्मानजनक योगफलमा लैजान ओलिले रबिनसनले ५८ रनको योगदान दिएका थिए । भारतका रविन्द्र जडेजाले ४ तथा डेब्यु खेलाडी आकाश दीपले ३ विकेट लिएका थिए ।