-
-
-
-
पोखरा । नेकपा एमाले कास्कीको अध्यक्षमा बैनबहादुर अधिकारी क्षेत्रीको प्यानल विजयी भएको छ । पार्टीको एघारौं अधिवेशनबाट अधिकारी पक्षको प्यानल विजयी भएको हो ।
अधिवेशन अन्तर्गत भएको निर्वाचनबाट अध्यक्षमा पाँच सय ५१ मत प्राप्त गर्दै अधिकारी विजयी भएका हुन् । उनीसँगै प्रतिस्पर्धा गरेका माधव बास्तोलाले तीन सय ४७ मत प्राप्त गरे ।
अध्यक्षमा विवेक त्रिपाठीले पनि प्रतिस्पर्धा गरेका थिए । उनले जम्मा १७ मत प्राप्त गरे ।
मत परिणाम औपचारिक घोषणा हुन भने बाँकी छ ।
