-
-
-
-
धुलिखेल । काभ्रेपलाञ्चोक जिल्ला चौँरीदेउराली गाउँपालिका वडा नम्बर ६ बल्टारमा ट्रिपर दुर्घटना भएको छ । कात्तिके देउरालीबाट भिमपाइला जाँदै गरेको बाप्र ०२–००६ ख ५९०५ नम्बरको खाली ट्रिपर आफैँ अनियन्त्रित भइ दुर्घटना भएको हो ।
ट्रिपरमा सवार सात जनामध्ये चार जना घाइते भएका छन् । घाईतेहरुलाई धुसेनी शिवालय अस्पताल लगिएको जिल्ला प्रहरी कार्यलय काभ्रेले जनाएको छ ।
ट्रिपर चालक दोलखा जिल्ला तामोकोशी गाउँपालिका घर भएका ३० वर्षीय सिताराम खड्कालाई उपचारका लागि ट्रमा सेन्टर काडमाडौँ रेफर गरिएको छ ।
ट्रिपर सडकबाट ५०० मिटर तल खसेको र घाइतेहरुको सबैको अवस्था सामान्य रहेको प्रहरीले जनाएको छ ।
