-
-
-
-
काठमाडौँ । इण्डियन प्रिमियर लिग (आईपीएल) टी–२० क्रिकेट अन्तर्गत लखनउ सुपर जाइन्टले रोयल च्यालेन्जर्स बेंगलुरूलाई पराजित गरेको छ । गएराति सम्पन्न खेलमा लखनउले बेंगलुरूलाई २८ रनले पराजित गरेको हो ।
लखनउले दिएको १८२ रनको लक्ष्य पछ्याएको बेंगलुरूले १९.४ ओभरमा अलआउट हुँदै १५३ रन बनाएपछि खेल २८ रनले हारेको हो । यो आफ्नो घरेलु मैदानमा बैंगलुरुको लगातार दोस्रो हार हो ।
त्यस्तै पहिला ब्याटिङ गर्दै लखनउले २० ओभरमा ५ विकेट गुमाउदै १८१ रन बनाएको थियो ।
यो लखनउको यस सिजनमा तेस्रो खेलमा दोस्रो जित हो । बेंगलुरूले चौथो खेलमा एक जित र तेस्रो हार बेहोरेको छ ।
आईपीएल अन्तर्गत आज दिल्ली क्यापिटल्स र कोलकोता नाइट राइडर्सबीच खेल हुँदैछ । खेल बेलुकी ७ः४५ बजे विशाखापट्नममा हुँदैछ ।
