जाकार्ता । इन्डोनेसियामा निरन्तर भयानक ज्वालामुखी विष्फोट भएपछि ११ हजारभन्दा बढी मानिस विस्थापित भएका छन् ।
मिडिया रिपोर्टका अनुसार सो भयानक विस्फोट उत्तरी सुलावेसी प्रान्तमा भएको हो। पहिलो विस्फोट मंगलबार राति भएको थियो भने बुधबार लगातार चारवटा विष्फोट भएको थियो । जसका कारण उक्त क्षेत्रको अवस्था नाजुक बनेको छ । ज्वालामुखी एजेन्सीले खतराको स्तरमा उच्च सतर्कता स्तर ४ मा बढाएको छ।
समाचार अनुसार निषेधित क्षेत्रको आकार ४ बाट ६ किलोमिटरसम्म बढाइएको छ । रुआङका ८०० भन्दा बढी बासिन्दाहरूलाई पहिलो पटक राज्यको राजधानी मनाडोबाट १०० किलोमिटर टाढा टागुलान्डाङ टापुमा लगिएको छ ।
निषेधित क्षेत्र विस्तार भए पछि बिहीबार बिहान थप मानिसलाई विस्थापित गर्नुपरेको थियो । उक्त क्षेत्रका करिब ११ हजार ६१५ बासिन्दालाई सुरक्षित स्थानमा सारिएको प्रकोप तथ्याङ्क, सञ्चार तथा सूचना केन्द्रका प्रमुख अब्दुल मुहारीले जानकारी दिए ।
अधिकारीहरूले डराउँछन् कि यस पटक ज्वालामुखीको एक भाग सन १८७१ विष्फोट जस्तै समुद्रमा खसेको छ। यसले इन्डोनेसियामा सुनामीको जोखिम बढाउन सक्छ र ज्वालामुखी अझै बढन सक्छ ।
मनाडोस्थित साम रतुलाङ्गी अन्तर्राष्ट्रिय विमानस्थल बिहीबार साँझसम्म बन्द गरिएको उड्डयन अधिकारीहरूले बताएका छन् । एयरपोर्टले दक्षिण कोरिया, चीन र सिंगापुरलगायत अन्य देशहरूमा सेवा दिन्छ। यसबाहेक, मलेसियाको कोटा किनाबुल अन्तर्राष्ट्रिय विमानस्थलबाट आउने र जाने उडानहरूमा अवरोधहरू भएका छन्।
