काठमाडौँ । तोप चरा अन्य चराहरूभन्दा फरक विशेषता भएको चरा हो । भँगेरा वर्गमा पर्ने यो चरालाई चराहरूको ‘इञ्जिनियर’ पनि भनेर चिनिन्छ । कलात्मक र मेहनतले आफ्नो गुँड (घर) बनाउने हुनाले यसलाई चराहरूको इञ्जिनियर भनिएको हो ।
तराईदेखि मध्य पहाडसम्म पाइने यो चराले पात चिरेर त्यसलाई जोडेर कलात्मक गुँड बनाउने गर्छ । गुँड रुखबाट तलतिर झुण्डिएको हुन्छ। यी चराहरू समूहमा बस्न मन पराउँछन् ।
त्यसैले यिनीहरूका गुँडहरू एकै ठाउँमा हुन्छन् । तोप चरा हिउँदयाममा काठमाडौँमा आउँछन् । काठमाडौँ आएपछि भाले चराको पहिलो काम गुँड बनाउनु हो।
हरियो घाँस जम्मा पारेर यी चराहरूले चुच्चोको सहाराले कलात्मक गुँड बनाउँछन् । झट्ट हेर्दा यो चराको गुँड मानिसले सिलाएर बनाएको जस्तै आकर्षक बनाएको हुन्छ ।
यो चराले रुखमा झुण्डिएको लामो गुँड बनाउँछ, जुन अरु चराहरुको भन्दा भिन्न देखिन्छ । पंक्षीविज्ञहरुका अनुसार यो चराको भाले प्रजातिले मात्र गुण बनाउँछन् र अति नै मेहनेत गरेर बनाउँछन् ।
गुँड राम्रो बनाउने विषयमा तोप चराको भाले प्रजातिबीच प्रतिस्पर्धा नै हुन्छ । हेरौँ काठमाडौँको बल्खु क्षेत्रमा देखिएको तोप चराको समूह (नेपाल फोटो लाइब्रेरीबाट)
