काठमाडौँ । बंगलादेशी सांसद अनवरुल अजिम अनारको हत्यामा संलग्न एक बंगलादेशी नागरिकलाई नेपाल प्रहरीले पक्राउ गरेको छ । दुई दिनअघि नेपाल प्रहरीले विमानस्थलबाटै पक्राउ गरेको भए पनि अहिलेसम्म गुपचुपमा राखेको छ । 

मोहम्मद सियाम हुसेन नाम गरेका नगारिकलाई नेपाल प्रहरीले पक्राउ हो । बंगलादेशको जेनाइदाहका सांसद अनवरुल अजीमको हत्याको घटनामा पक्राउ परेका कसाई जिहादलाई लिएर बंगलादेशका पुलिस अधिकारीहरूले न्यू टाउनको फ्ल्याटमा अपराधको पुष्टि गरेका थिए ।

२२ मे मा बंगलादेशी सांसदको भारतको कोलकातामा हत्या भएको थियो । बंगलादेश पुलिसको गुप्तचर विभागका प्रमुखले तयारी र योजनाअनुसार हत्या भएको आशंका गरेका थिए ।

यस हत्यामा बंगलादेशका तीन र कोलकाताका एक जना पक्राउ परेका छन् तर अन्य चार आरोपी शाहीन, सियाम, फैजल र मुस्ताफिजुर अझै बेपत्ता छन् । जसमध्येमा एक सियामलाई नेपाल प्रहरीले पक्राउ गरेको हो ।

उनको हत्यामा केही व्यक्तिहरु भारतमै पक्राउ परेको भए पनि केही व्यक्ति नेपालमै रहेको भारतीय गुप्तचर संस्थाले जनाएको थियो ।

उनको हत्यामा संलग्न भारतमै पक्राउ परेका जिहाद हवलदारले सोधपुछका क्रममा यो उनको शव टुक्रा टुक्रा पारेर फालेको प्रहरीलाई बयान दिएका थिए । 

बंगलादेशको गुप्तचर अधिकारीहरूले सांसद अनवरुलले आफ्नो अमेरिकी साथी र आरोपी मोहम्मद अख्तरज्जमानसँग मिलेर सुन तस्करीको र्याकेट चलाउने गरेको अधिकारीहरूले शंका गरेका छन् । 

यस अन्तर्गत उनीहरु दुबईबाट बंगलादेश हुँदै भारतसम्म सुनको ओसारपसार गर्ने गर्दथे । गत वर्ष अख्तरुज्जमान र बंगलादेशी सांसदले पैगम्बरमा थप हिस्सेदारीको लागि आग्रह गरे, जसले उनीहरूबीच विवाद मच्चियो । 

केही समयपछि अख्तरज्जमानले अनवरुल एक्लैले करिब ८० करोड भारु बराबरको सुनको तस्कर गरिरहेको थाहा पाएको बताइएको छ । त्यसपछि अख्तरुज्जमान र अनवरुलबीचको मित्रतामा दरार आयो ।

बंगलादेश प्रहरीले अन्वारुलको हत्यामा थप प्रभावशाली व्यक्तिको नाम पनि हुनसक्ने आशंका व्यक्त गरेको छ । रिपोर्टका अनुसार उनलाई मार्ने योजना गत फ्रेब्रुअरी र अप्रिलको बीचमा बनाइएको थियो । 

हत्या गरी अमेरिका भागेका अभियुक्त अख्तरज्जमानलाई पक्राउ गर्न बंगलादेशले इन्टरपोलको सहयोग लिने जनाएको थियो ।