-
-
-
-
काठमाडौँ । न्यूरोड क्षेत्रका सडकमा सडक विभाग र काठमाडौं महानगर आमनेसामने भएका छन् ।
सडक विभाग र महानगर प्रहरीबीच विवाद हुँदा केही समय न्युरोड क्षेत्र असामान्य बनेको थियो ।
महानगरले फुटपाथ बिस्तारका लागि न्यूरोड क्षेत्रको सडक भत्काएको सडक विभागले पिच गर्न शुरु गरेसँगै विवाद भएको थियो ।
न्युरोडका स्थानीय अमररत्न बज्राचार्यले काठमाडौं महानगरले इन्द्रचोकको बाटो भत्काएको र सडक विभागले पिच गर्न थालेपछि विरोध शुरु भएको बताए ।
उनले महानगर प्रहरीले रोकेपछि झडपको स्थिति सिर्जना भएको बताए ।
उनले सडक विभागले सडक नकाट्नु भन्दाभन्दै पनि काठमाडौं महानगरपालिकाका प्रमुख बालेन्द्र साहको अहङ्कारले गर्दा यो स्थिति सिर्जना भएको बताए ।
अन्य स्थानीयहरूले महानगरपालिकाको नेतृत्वले घमन्ड देखाउँदा यो स्थिति सिर्जना भएको आरोप लगाए ।
महानगर प्रहरी फर्किएसँगै सडक विभागका कर्मचारीले पिचको काम जारी राखेका छन् ।
