-
-
-
-
पोखरा । नेकपा एमाले मादी गाउँपालिकाको अध्यक्षमा सुभाष सापकोटा निर्वाचित भएका छन् ।
पार्टीको दोस्रो अधिवेशनले सापकोटालाई सर्वसम्मत अध्यक्षमा निर्वाचित गरेको हो ।
यस्तै, उपाध्यक्षमा दिलबहादुर क्षत्री, सचिवमा चित्रबहादुर गुरुङ, उपसचिव खुलामा रामराज अधिकारी र उपसचिव महिलामा पूर्णसुब्बा गुरुङ निर्विरोध निर्वाचित भएका छन् ।
अधिवेशनले शिवप्रसाद बरालको अध्यक्षतामा पाँच सदस्यीय लेखा कमिटी चयन गरेको छ ।
प्रमुख निर्वाचन अधिकृत मदन तिवारीले अध्यक्ष सापकोटा र लेखा कमिटीका अध्यक्ष बराललाई सपथ ग्रहण गराए ।
अध्यक्ष सापकोटा र लेखा कमिटीका अध्यक्ष बरालले पदाधिकारी तथा सदस्यलाई सपथ ग्रहण गराएका थिए ।
