-
-
-
-
पोखरा । स्याङ्जामा पिपलको रुखबाट लडेर एक महिलाको ज्यान गएको छ ।
मृत्यु हुनेमा चापाकोट नगरपालिका वडा नं. ७ साँखरकी ३५ वर्षीया सिर्जना ढकाल रहेकी छन् ।
जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक (डीएसी) इन्द्रबहादुर रानाका अनुसार ढकाल आज बिहान ७ बजे आफ्नै बारीमा रहेको पिपलको रूखमा चढी घाँस काट्ने क्रममा अचानक लडेर गम्भीर घाइते भएकी थिइन् ।
उनको उद्धार गरी उपचारका लागि रामपुर अस्पताल पाल्पा लगिएको र उपचारकै क्रममा बिहान ९ः३० बजे मृत्यु भएको डीएसपी रानाले जानकारी दिए ।
