-
-
-
-
तेह्रथुम । आफ्नै आमाको हत्या आरोपमा छोरा पक्राउ परेका छन् । पक्राउ पर्नेमा तेह्रथुमको लालीगुराँस नगरपालिका वडा नं ८ सोल्मा तेजेन्द्र चोकका २३ वर्षीय दीपक नेपाली छन् ।
प्रहरी प्रधान कार्यालयद्वारा प्रेषित दैनिक समाचार बुलेटिन अनुसार सामान्य घरायसी विवादमा बिहीबार दिउँसो दीपकले आफ्नी आमा ४६ वर्षीया तीलमाया नेपालीको खुकुरी प्रहार गरी हत्या गरेका थिए ।
तीलमायाको खुकुरी प्रहारबाट घाँटी रेटिएको र उनको घटनास्थलमै मृत्यु भएको थियो ।
घटनाको खबर प्राप्त हुने बित्तिकै जिल्ला प्रहरी कार्यालय तेह्रथुम, इलाका प्रहरी कार्यालय बसन्तपुर र प्रहरी चौकीलसुनेबाट खटिएको प्रहरीले दीपकलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको जनाएको छ ।
