पोखरा । जिल्ला प्रहरी कार्यालय कास्कीले लागूऔषधसहित दुई युवकलाई पक्राउ गरेको छ ।
वडा प्रहरी कार्यालय बैदामबाट खटिएको टोलीले असार २१ गते राति ७ः५० बजे जिरोकिमीबाट उनीहरुलाई पक्राउ गरेको हो ।
पक्राउ पर्नेमा पोखरा-१७ छोरेपाटनका २८ वर्षीय तेन्जिङ गुरुङ र पोखरा-१ सिमपानी बस्ने वर्ष २६ का सुशान्त परियार छन् ।
उनीहरुको साथबाट नाइट्राभेट १० लेखेको १ सय ८८ चक्की र टपन्टाडोल लेखेको ३० चक्की लागूऔषध बरामद भएको प्रहरीले जनाएको छ ।
पक्राउ परेका दुवैविरुद्द लागूऔषधसम्बन्धी मुद्दामा कास्की जिल्ला अदालतबाट १० दिन म्याद लिएर अनुसन्धान सुरु गरिएको प्रहरीले जनाएको छ ।