एमालेबाट अप्रत्याशित रुपमा मन्त्री बन्दै देवेन्द्र दाहाल
हाम्रा कुरा
प्रकाशित २०८१ असार ३१ सोमबार
2.1k
Shares
काठमाडौँ । एमालेले चर्चामा आएका नामभन्दा फरक व्यक्ति राष्ट्रिय सभा सदस्य देवेन्द्र दाहाललाई मन्त्री बनाउने निश्चित गरेको छ ।
दाहाललाई बिहान ९ बजेमात्र मन्त्रीका लागि तयारी रहन फोन गरिएको थियो । पूर्वबाट योगेश भट्टराईको नाम चर्चामा आइरहेका बेला दाहाललाई मन्त्रीका लागि तयारी अवस्थामा रहन अध्यक्ष केपी शर्मा ओलीको सचिवालय बालकोटले निर्देशन दिएको हो ।
उनलाई मन्त्रालय तोकिएको छैन । उनलाई मन्त्री बन्नका लागि गरिएको खबर भने निकै नै अप्रत्याशित हो । योगेश भट्टराई हुँदाहुँदै पूर्वबाट दाहालको नाम आउनुलाई आश्चर्यजनकका रुपमा लिइएको छ । दाहाल मन्त्री बन्ने भएपछि भट्टराईको नाम काटिएको अनुमान गरिएको छ ।
नवनियुक्त प्रधानमन्त्री केपी शर्मा ओलीको अहिले ११ बजे राष्ट्रपति भवन शितल निवासमा सपथ हुँदैछ । ओलीलाई राष्ट्रपति रामचन्द्र पौडेलले आइतबार ४५ औँ प्रधानमन्त्री नियुक्त गरेका हुन् ।
