- सुन चाँदी दर
- विनिमय दर
- नेपाली पात्रो
- राशिफल
काठमाडौँ । उद्योग वाणिज्य तथा आपूर्तिमन्त्री दामोदर भण्डारीले नेपाल आयल निगमको अमलेखगञ्ज डिपोको निरीक्षण गरेका छन् । सोमबार उक्त डिपोमा पुगेर मन्त्री भण्डारीले स्थलगत अवलोकन गरेका हुन् ।
नेपालकै सबैभन्दा ठूलो डिपोको रुपमा रहेको अमलेखगञ्जमा अहिले पेट्रोल भण्डारणका लागि चार हजार एक सय किलोलिटर क्षमताका दुईवटा भर्टिकल ट्यांक निर्माण हुँदैछन् ।
साथै डिजेल र पेट्रोलको गुणस्तर परीक्षण गर्न प्रयोगशाला र आधुनकि प्रवधिसिहति ट्याङ्कर लोड र अनलोड गर्न २४ वटा लोडङि फलिङ्गिसेटसमेत निर्माण हुँदैछन् । उक्त ट्याङ्कलाई पाइपलाइनबाटै पेट्रोल आयात गर्ने प्रमुख पूर्वाधारको रुपमा हेरिएको छ ।
निरीक्षणको क्रममा मन्त्री भण्डारीले निगमको निर्माणधिन पेट्रोलको भर्टिकल ट्याङ्क निर्माणको कार्यप्रगति र समग्र आयातको अवस्थाबारे जानकारी लिएको निगमको मधेस प्रादेशिक कार्यालयका प्रमुख विनितमणि उपाध्यायले जानकारी दिए ।
अहिले भारतको बरौनीबाट ट्याङ्करमार्फत नै पेट्रोलियम पदार्थको आयात हुँदै आएको छ । यो ट्याङ्क निर्माण सम्पन्न भएपछि पाइपलाइनमार्फत पेट्रोल तथा मट्टितेल आउँदा यसले निगमको लागत मात्रै सवा अर्बदेखि डेढ अर्बले बचत हुने अवस्था रहेको उपाध्यायको भनाइ छ ।
निरीक्षणका क्रममा मन्त्री भण्डारीसँगै उद्योग मन्त्रालयका अधिकारीहरु तथा नेपाल आयल निगम र भारतीय आयल कर्पोरेशनका अधिकारीहरुकोसमेत सहभागिता रहेको थियो । निरीक्षणपछि उक्त ट्याङ्क नेपालको पेट्रोलियम पदार्थको आपूर्तिका लागि महत्वपूर्ण भएको भन्दै छिटोभन्दा छिटो काम सक्न निर्देशन दिएको प्रादेशिक प्रमुख उपाध्यायको भनाइ छ ।
अहिले देशभर आयात हुने डिजेलमध्ये ७० प्रतिशत डिजेल यही डिपोमार्फत आयात हुँदै आएको छ । बाँकी ३० प्रतिशत आयात भने झापाको चारआली, बाँकेको नेपालगञ्ज, कैलालीको धनगढीबाट आयात हुँदै आएको छ ।
पाइपलाइन निर्माण सम्पन्न भएपछि ८० प्रतिशत भन्दा धेरै पेट्रोलसमेत सोही डिपोमार्फत आयात हुने अवस्था रहेको उपाध्यायको भनाइ छ । उक्त भर्टिकल ट्याङमध्ये एउटा भारतीय आयल निगमको अनुदान तथा अर्को नेपाल आयल निगमको लागतमा निर्माण भएको हो ।