-
-
-
-
खोटाङ । खोटाङमा माछापोखरीमा डुबेर एक जनाको मृत्यु भएको छ ।
मृत्यु हुनेमा साकेला गाउँपालिका वडा नं. १ च्यानडाँडास्थित सेखुवाका ८४ वर्षीय देवीप्रसाद ढकाल छन् ।
आज बिहान करेसाबारी डुल्ने क्रममा माछापोखरीमा डुबेर उनको मृत्यु भएको जिल्ला प्रहरी कार्यालय खोटाङका सूचना अधिकारी प्रहरी निरीक्षक बेनु कार्कीले जानकारी दिइन् ।
बिहान करेसाबारी डुल्नेक्रममा घरभन्दा करिब एक सय ५० मिटर टाढा रहेको माछापोखरीमा उनी मृत फेला परेको जनाइएको छ ।
देवीप्रसादको शव जिल्ला अस्पताल खोटाङमा परीक्षण गरेपछि आफन्तको जिम्मा लगाइएको प्रहरीले जनाएको छ ।
