-
-
-
-
पोखरा । पोखरामा स्कुल बस दुर्घटना हुँदा चालक घाइते भएका छन् । पोखरा महानगरपालिका वडा नं. ८ नागढुंगास्थित न्यू मोडल सेकेन्डरी स्कुलको ग१क ४६६१ नम्बरको बस घारीपाटन चोकमा दुर्घटनामा परेको हो ।
सो दुर्घटनामा बस चालकक स्याङ्जा भिरकोट नगरपालिका वडा नं २ बयरघारीका ५४ वर्षीय दलबहादुर गुरुङ घाइते भएका छन् ।
उनलाई उपचारका लागि नयाँबजारस्थित गण्डकी मेडिकल कलेजमा ल्याइएको जिल्ला ट्राफिक प्रहरी कार्यालय कास्कीले जनाएको छ ।
बस अनियन्त्रित भएर बस दुर्घटना हुँदा पार्किङमा रहेका तीनवटा ट्याक्सीमा क्षति पुगेको बताइएको छ । बस सडक छोडेर तल्लो बाटोमा रहेको ट्याक्सीमाथि चढेको छ ।
विद्यार्थीलाई घर छोड्न जानेक्रममा बस दुर्घटनामा परेको हो । बसमा २० जना विद्यार्थी रहेकामा सबै सकुशल रहेको प्रहरीले जनाएको छ ।
