एमाले बैठकको दोस्रो दिन, एक्लै निर्वाचन लड्ने कार्ययोजनामा छलफल
हाम्रा कुरा
प्रकाशित २०८१ भदौ १९ बुधबार
205
Shares
काठमाडौँ । नेकपा एमालेको पोलिटब्युरो बैठक आज पनि बस्दै छ । हिजो मंगलबारबाट पार्टी केन्द्रिय कार्यालय च्यासलमा शुरु भएको बैठकको आज दोस्रो दिन हो ।
बैठकमा २०८४ को निर्वाचनमा एक्लै निर्वाचन लड्ने र बहुमत ल्याउने उद्देश्यसहितको एक वर्षे कार्ययोजनामा छलफल अघि बढाइएको छ ।
मंगलबारको बैठकमा महासचिव शङ्कर पोखरेलले प्रस्ताव गरेको कार्ययोनामा आज नेताहरूले आफ्नो धारणा राख्नेछन् ।
कार्ययोजनामाथि राय राख्न नेताहरूलाई ३ मिनेटको समय छुट्याएको छ ।
यसअघि नेपाली कांग्रेसले चुनावअघि कुनै पनि पार्टीसँग गठबन्धन नगर्ने र सबै कांग्रेसले रुखमा मात्रै भोट हाल्न पाउनु पर्ने प्रस्ताव कांग्रेस केन्द्रीय समितिले पारित गरेको छ ।
