दसैँ–तिहारलाई लक्षित गर्दै केन्ट आरओ वाटर प्यूरिफायरको विशेष अफर सार्वजनिक

हाम्रा कुरा

प्रकाशित २०८१ भदौ २६ बुधबार

काठमाडौँ। नेपालमा केन्ट उत्पादनहरूको एक मात्र आधिकारिक वितरक ईओएल प्रालि, सिजी इलेकट्रोनिक्स अन्तर्गतको संस्थाले यस पालीको दसैँ र तिहारलाई लक्षित गरी विशेष ग्राहक योजना सार्वजनिक गरेको छ।

यस योजना अन्तर्गत केन्टका आरओ वाटर प्यूरिफायरहरू खरिद गर्ने ग्राहकहरूले सिजी ब्राण्डको १.८ लिटर इलेक्ट्रिक केटल उपहार स्वरूप पाउनेछन्। "यो दसैँ–तिहार, केन्टसँग स्वास्थ्य र शुद्धता अङ्गालौँ" नारासहित प्रस्तुत गरिएको यस योजनाले नेपाली परिवारहरूलाई स्वच्छ र शुद्ध पानी पिउने स्वस्थ जीवनशैलीको महत्त्वलाई प्रोत्साहन गर्ने उद्देश्य राखेको छ।

केन्टका उत्पादित आरओ प्यूरिफायरहरूले १०० प्रतिशत शुद्ध पानी मात्र प्रदान नगरी आवश्यक खनिज पदार्थहरू पनि कायम राख्छन्।

यिनीहरूमा आरओ+यूवी+यूएफ+टीडीएस टेक्नोलोजीको प्रयोग गरिएको छ जसले पानीलाई पूर्ण रूपमा शुद्ध बनाउँछ। साथै, प्यूरिफायरमा रहेको यूभी इन ट्याङ्क र डिजिटल प्योयरिटी डिस्प्लेले शुद्धताको गुणस्तरको बारेमा सुनिश्चितता दिन्छ।

यस अफर भाद्र २३, २०८१ देखि सीमित अवधिका लागि उपलब्ध हुनेछ र सम्पूर्ण नेपालभर लागू हुनेछ। यो योजना केन्टका सबै आरओ मोडेलमा लागू गरिएको छ। जसमा केन्ट ग्रान्ड प्लस, केन्ट पर्ल र केन्ट ग्रान्ड स्टारजस्ता मोडेलहरू समावेश छन्।

केन्ट ब्राण्डका अन्य उत्पादनहरू जस्तै एयर प्यूरिफायर, भ्याकुम क्लिनर, कीटाणुनाशक उपकरणहरू, र स्मार्ट किचन उपकरणहरू पनि नेपाली बजारमा निकै लोकप्रिय छन्। यस योजनाको साथ, ग्राहकहरूलाई स्वच्छ पानीको महत्त्व बुझाउँदै सिजी इलेकट्रोनिक्सले स्वास्थ्य र स्वच्छताको साथमा पर्व मनाउनका लागि प्रोत्साहित गरिरहेको छ।