संविधान संशोधन जनताको सुझाव र सर्वपक्षीय सहमतिमा : डा. महत

हाम्रा कुरा

प्रकाशित २०८१ असोज ४ शुक्रबार

नुवाकोट । नेपाली कांग्रेसका प्रवक्ता एवं पूर्वअर्थमन्त्री डा प्रकाशशरण महतले संविधान संशोधन जनताको सुझाव र सर्वपक्षीय सहमतिमा हुने बताएका छन् ।

संविधान दिवस तथा राष्ट्रिय दिवस-२०८१ का अवसरमा जिल्ला मूल समारोह समिति नुवाकोटले तादी गाउँपालिका-३ खरानीटारमा आयोजना गरेको प्रवचन कार्यक्रममा उनले दुई कार्यकालको संविधानसभाले सबै पक्षलाई न्याय हुनेगरी संविधान निर्माण गरेको र यो विश्वमै उत्कृष्ट रहेको दाबी गरे ।

“संविधानमा राज्य सञ्चालनका हरेक तहमा महिलासहित लक्षित वर्गको सहभागिता सुनिश्चित गरिएको छ । यो जनताले बनाएको संविधान भएकाले यसको पूर्ण कार्यान्वयन गर्नु सबैको दायित्व हो”, उनले भने ।