-
-
-
-
पोखरा । नेपाली कांग्रेसका सहमहामन्त्री एवं संघीय सरकारका संस्कृति पर्यटन तथा नागरिक उड्डयन मन्त्री बद्रीप्रसाद पाण्डे पोखरा आउने भएका छन् ।
मन्त्री पाण्डे मंगलबार कास्की कांग्रेसले आयोजना गरेको कार्यकर्ता भेटघाट कार्यक्रममा सहभागी हुन पोखरा आउने भएका हुन् ।
पार्टी प्रवक्ता युवक लामिछानेका अनुसार कांग्रेसले मंगलबार दिउँसो ३ः३० बजे पार्टी कार्यालय चिप्लेढुंगामा कार्यकर्ता भेटघाट कार्यक्रम आयोजना गरेको छ ।
त्यसअघि मन्त्री पाण्डे नेपाली कांग्रेस गण्डकी प्रदेश कार्यसमितिले आयोजना गरेको भेटघाट कार्यक्रममा सहभागी हुनेछन् ।
नेता अजित क्षेत्रीका अनुसार मंगलबार दिउँसो २ः३० बजे पार्टीले भेटघाट कार्यक्रम आयोजना गरिएको छ ।
यसैबीच कांग्रेस केन्द्रीय सदस्य एवं गृहमन्त्री रमेश लेखक बुधबार पोखरा आउँदै छन् ।
उनी बुधबार कांग्रेस गण्डकी प्रदेश कार्यसमितिले नै आयोजना गरेको भेटघाट कार्यक्रममा सहभागी हुनेछन् ।
त्यसअघि गृहमन्त्री लेखक कास्की कांग्रेसले असोज ९ गते दिउँसो २ बजे पार्टी कार्यालयमा आयोजना गरेकाे भेटघाट कार्यक्रममा पनि सहभागी हुने बताइन्छ ।
दुवै कार्यक्रममा सबै तहका नेता कार्यकर्तालाई सहभागी हुन आग्रह गरिएको छ ।
