-
-
-
-
काठमाडौँ । भारतीय क्रिकेट कन्ट्रोल बोर्ड बीसीसीआईले आईपीएलमा विदेशी खेलाडीका लागि कडा नियम ल्याएको छ । आईपीएलले हालै सबै विदेशी खेलाडी मेगा अक्सनमा अनिवार्य दर्ता हुनुपर्ने नियम ल्याएको छ । साथै मेगा अक्सनमा दर्ता नभएका खेलाडीले पछि हुने मिनी लिलामीमा प्रवेश नपाउने भएका छन् ।
साथै लिलामीमा बिक्री भएपछि कुनै खेलाडी प्रतियोगिताबाट पछि हटेमा उसलाई अर्को २ सिजनको लागि प्रतिबन्ध लगाइनेछ । खेलाडी घाइते भएमा उनलाई प्रतिबन्ध लाग्दैन तर यसका लागि उनले आफ्नो राष्ट्रिय बोर्डबाट अनुमति लिनुपर्नेछ ।
साथै विदेशी खेलाडीले अब एक सिजनमा १८ करोड भारु भन्दा बढी कमाउन पाउने छैनन् । पछिल्लो मिनी लिलामीमा अस्ट्रेलियाका मिचेल स्टार्क २४.७५ करोड भारु र प्याट कमिन्स २०.५० करोड भारुमा बिक्री भएका थिए ।
अब भने विदेशी खेलाडीका लागि परिधि बनाएको छ, जसमा १८ करोड भन्दा बढी कमाउन सक्ने छैनन् ।
