- सुन चाँदी दर
- विनिमय दर
- नेपाली पात्रो
- राशिफल
काठमाडौँ । भारतमा अप्रत्याशित रुपले विमानमा बम भएको धम्की बढेको छ । पछिल्लो तीन दिनमा १९ विमानका फ्लाइट्समा बम भएको धम्की दिइएको छ । जसका कारण यो क्षेत्रमा त्रास मच्चिएको छ ।
बुधबार भारतमा उडान भरेका ७ फ्लाइट्समा बम भएको धम्की दिइयो । जसमा इन्डिगोका ४, स्पाइस जेटका २ र अकासाको एउटा फ्लाइट सामेल थियो ।
सोमबारदेखि चलेको यो श्रृंखला बुधबारसम्म आइपुग्दा १९ फ्लाइट्समा बम भएको धम्की मिलेको छ । तर एउटामा पनि बम भने थिएन ।
मंगलबार ७ फ्लाइट्समा बम भएको धम्की आएको थियो । सोमबार भने एउटा फ्लाइटमा बम भएको धम्की आएको थियो । हरेक जाँचमा बमको हल्ला झूटो थियो ।
सुरक्षित अवतरणका लागि कयौँ फ्लाइट्स निर्धारित स्थान भन्दा फरक ठाउँमा अवतरण गर्नुपरेको थियो ।
यसरी निरन्तर धम्की आउन थालेपछि भारतीय केन्द्र सरकारले एयर मार्सलको संख्या दोब्बर गर्ने फैसला गरेको छ ।
फ्लाइट्समा धम्की दिने मामलामा मुम्बई पुलिसले छत्तीसगढका एक नाबालिगलाई नियन्त्रणमा लिएको छ । दिल्ली पुलिसले अहिलेसम्म ६ ओटा एफआरआई दर्ता गरेको छ । धम्की दिने सामाजिक सञ्जालको एकाउन्ट ट्रयाक भइरहेको जनाइएको छ ।
गत ९ अक्टोबरमा पनि बेलायतको लण्डनबाट भारतको दिल्ली आउँदै गरेको फ्लाइटमा बम भएको धम्की दिइएको थियो ।
फ्लाइटबाट दिल्ली आउन करिब साढे ३ घण्टा बाँकी छँदा एक यात्रुले विमानको शौचालयमा धम्की दिइएको टिस्यु पेपर देखेका थिए । उनले तुरुन्त विमानका क्रु मेम्बरलाई सूचना दिएका थिए ।
सरकारले बढाउने एयर मार्सल विशेषगरी बढी गम्भीर क्षेत्रमा खटाइने छ । मार्सलका रुपमा राष्ट्रिय सुरक्षा गार्ड (एनएसजी) को युनिट तैनाथ हुनेछ ।
यो युनिटले अपहरण र आतंकवाद गतिविधि रोक्नका लागि काम गर्नेछ । भारतमा एयर मार्सलको तैनाथी सन् १९९९ देखि शुरु भएको हो ।