सेभियामाथि गोलको वर्षा गर्दै बार्सा शीर्ष स्थानमा कायमै

हाम्रा कुरा

प्रकाशित २०८१ कार्तिक ५ सोमबार

काठमाडौँ । स्पेनिश ला लिगा फुटबलमा बार्सिलोनाले फराकिलो जित हासिल गरेको छ । गएराति सम्पन्न खेलमा बार्सिलोनाले सेभियामाथि ५–१ गोल अन्तरको जित हासिल गरेको हो ।

बार्सिलोनाको जितमा रोबेर्ट लेवानडोस्की र पाब्लो टोरेले २–२ गोल गरेका थिए भने पेड्रीले एक गोल गरेका थिए । त्यस्तै सेभियाका लागि एक गोल स्टानिश इडुम्बोले एक गोल गरेका थिए ।

गएरातिका अन्य खेलमा मयोर्काले रायो भाएकानोलाई १–० ले तथा एथलेटिको मड्रिडले लेगनेसलाई ३–१ ले हरायो भने भिल्लारियल र गेटाफेले १–१ गोलको बराबरी खेलेका छन् ।

अंक तालिका
दशौँ चरणको समाप्तिसम्म बार्सिलोना २७ अंकसहित पहिलो, रियाल मड्रिड २४ अंकसहित दोस्रो, एथलेटिको मड्रिड २० अंकसहित तेस्रो तथा भिल्लारियल १४ अंकसहित चौथो स्थानमा छ ।

रियाल भल्लाडोलिड, भ्यालेन्सिया र लस पल्मस रेलिगेशन क्षेत्रमा रहेका छन् ।