-
-
-
-
काठमाडौँ । स्पेनिश ला लिगा फुटबल अन्तर्गतको एल क्लासिको बार्सिलोनाले जितेको छ । गएराति सम्पन्न खेलमा बार्सिलोनाले रियाल मड्रिडलाई ४–० गोल अन्तरले पराजित गरेको हो ।
रियाल म्याड्रिडको घरेलु मैदानमा भएको यो खेलको पहिलो हाफ गोलरहित बराबरीमा सकिए पनि दोस्रो हाफमा बार्सिलोनाले शानदार प्रदर्शन गरेको थियो ।
बार्सिलोनाका लागि रोबेर्ट लेवानडोस्कीले २ गोल तथा लामिन यमल र राफिन्हाले एक एक गोल गरेका थिए ।
यो जितपछि ला लिगामा बार्सिलोनाले रियाल मड्रिडमाथि ६ अंकको स्पष्ट अग्रता हासिल गरेको छ । बार्सिलोनाको ११ खेलमा ३० अंक भएको छ भने दोस्रो स्थानको रियाल मड्रिडको ११ खेलमा २४ अंक रहेको छ ।
