-
-
-
-
काठमाडौँ । स्पेनिश ला लिगा फुटबलमा बार्सिलोनाले इस्पोनियोललाई पराजित गरेको छ । गएराति सम्पन्न खेलमा बार्सिलोनाले इस्पोनियोललाई ३–१ गोल अन्तरले पराजित गरेको हो ।
बार्सिलोनाको जितमा डानी ओल्मोले २ गोल गरेका थिए भने राफिन्हाले एक गोल गरेका थिए । त्यस्तै इस्पोनियोलका लागि जाभी पुआडोले एक गोल गरेका थिए ।
यो जितपछि बार्सिलोनाको १२ खेलमा ३३ अंक भएको छ र लिगमा शीर्ष स्थानमा रहेको छ । बार्साले दोस्रो स्थानको रियाल मड्रिडसँगको अन्तर पनि ९ अंकले बढाएको छ ।
गएरातिका अन्य खेलमा एथलेटिको मड्रिडले लस पल्मसलाई २–० ले र रियाल सोसिडाडले सेभियालाई २–० ले हराउँदा एथलेटिक क्लब र रियाल बेटिसले १–१ गोलको बराबरी खेलेका छन् ।
