-
-
-
-
पोखरा । काठमाडौँबाट पोखरा आउँदै गरेको ईभी माइक्रो मंगलबार दिउँसो तनहुँमा पल्टिएको छ ।
तनहुँको आँबुखैरेनी गाउँपालिका वडा नं. २ ऐनापहरा नजिकै उक्त गाडी पल्टिएको हो ।
गाडीमा सवार सबै यात्रु सकुशल रहेको जिल्ला प्रहरी कार्यालय तनहुँका प्रहरी निरीक्षक राजु अधिकारीले जानकारी दिए ।
गाडी मर्स्याङ्दी नदीमा खस्नबाट बचेको उनले बताए । ‘गाडी एक बल्ड्याङमात्रै खाएको भए नदीमै पुग्ने रहेछ, पल्टिएर घिस्रिएकाले ढुंगामा अड्किएछ, जसले ठूलो घटना हुनबाट जोगियो’, प्रहरी निरीक्षक अधिकारीले भने ।
गाडीले सडक छेउँमा गाडीएका कंक्रिट खावा भाँचेर भिरको डीलमा अड्किन पुगेको छ ।
सो स्थान भन्दा करिब १०० मिटर अगाडि केही महिना अघि भारतीय पर्यटक बस दुर्घटनामा परेको थियो ।
गाडी अनियन्त्रित भएर पल्टिएको हुनसक्ने प्रहरीको अनुमान छ ।
