-
-
-
-
झापा । झापामा गएराति मोटरसाइकल दुर्घटना हुँदा चालकको मृत्यु भएको छ । मृत्यु हुनेमा झापा गौरीगञ्ज गाउँपालिका वडा नं ४ का ३० वर्षीय रोशन मगर छन् ।
जिल्ला प्रहरी कार्यालय झापाका अनुसार दुर्घटनामा गम्भीर घाइते भएका रोशनलाई उपचारका लागि लाईफ लाईन अस्पताल दमक लगिएकामा उपचारकै क्रममा मृत्यु भएको हो ।
सोही दुर्घटनामा मोटरसाइकलको पछाडि सवार गौरीगञ्ज-२ का ३२ वर्षीय श्याम राजवंशी गम्भीर घाइते भएका छन् । उनको सोही अस्पतालमा उपचार भइरहेको छ । उनी गम्भीर भए पनि खतरामुक्त छन् ।
जिल्ला प्रहरी कार्यालय झापाका डीएसपी कृष्णकुमार चन्दका अनुसार तीव्र गतिको मे८प ८८९५ नम्बरको मोटरसाइकल हुलाकी सडकको पश्चिम गौरीगञ्ज बजारमा अनियन्त्रित भएर दुर्घटना भएको हो । दुर्घटनाबारे थप अनुसन्धान भइरहेको डीएसपी चन्दले जानकारी दिए ।
