ओसासुनामाथि रियाल मड्रिडको फराकिलो जित, भिनिसियसको ह्याट्रिक

हाम्रा कुरा

प्रकाशित २०८१ कार्तिक २५ आइतबार

काठमाडौँ । स्पेनिश ला लिगा फुटबल अन्तर्गत रियाल मड्रिडले ओसासुनामाथि शानदार जित हासिल गरेको छ । शनिबार सम्पन्न खेलमा भिनिसियस जुनियरको ह्याट्रिकमा रियाल मड्रिडले ओसासुनालाई ४–० गोल अन्तरले पराजित गरेको हो ।

रियाल मड्रिडको जितमा भिनिसियस जुनियरले ह्याट्रिक गरे भने जुडे बेलिङघमले एक गोल गरेका थिए । यो जितपछि रियाल मड्रिडको १२ खेलमा २७ अंक भएको छ र लिगमा दोस्रो स्थानमा रहेको छ ।

रियाल मड्रिड शीर्ष स्थानमा रहेको बार्सिलोनाभन्दा ६ अंकले पछाडि रहेको छ । त्यसैगरी ओसासुनाको १३ खेलमा २१ अंक रहेको छ र लिगमा पाँचौँ स्थानमा रहेको छ ।