-
-
-
-
काठमाडौँ । स्पेनिश ला लिगा फुटबलमा बार्सिलोना पराजित भएको छ । गएराति सम्पन्न खेलमा बार्सिलोना रियाल सोसिडाडसँग १–० गोल अन्तरले पराजित भएको हो ।
रियाल सोसियडाडको जितमा खेलको ३३औं मिनेटमा शेराल्डो बेकारले गरेको गोल नै खेलको निर्णायक गोल बनेको थियो ।
यस सिजनको ला लिगामा बार्सिलोनाको यो दोस्रो हार हो । यो हारपछि बार्सिलोना १३ खेलमा ३३ अंकसहित शीर्ष स्थानमा कायम छ । त्यस्तै एक खेल कम खेलेको रियाल मड्रिड १२ खेलमा २७ अंकसहित दोस्रो स्थानमा रहेको छ ।
बार्साको हारले रियाल मड्रिडलाई फाइदा भएको छ । बार्सिलोनाविरुद्ध महत्वपूर्ण ३ अंक हासिल गरेको रियाल सोसिडाडको भने १३ खेलमा १८ अंक भएको छ र लिगमा आठौं स्थानमा छ ।
