-
-
-
-
पोखरा । पोखरामा महानगरपालिका वडा नं ३१ लाँकुरीमा स्कुटर दुर्घटना हुँदा एक युवकको ज्यान गएको छ ।
मृत्यु हुनेमा रुकुम पश्चिमको चौरजहारी गाउँपालिका वडा नं १४ घर भएका २३ वर्षीय मौसम पुन मगर रहेका छन् ।
बेगनास-भोर्लेटार सडकखण्डमा बा७९प ५८७७ नम्बरको स्कुटर सडकबाट करिब ९५ फिट तल खस्दा चालक मगरको घटनास्थलमै मृत्यु भएको जिल्ला प्रहरी कार्यालय कास्कीले जनाएको छ ।
तीव्र गतिमा चलाइएको स्कुटर अनियन्त्रित भएर दुर्घटना भएको प्रहरीको अनुमान छ ।
कास्की प्रहरीका सूचना अधिकारी डीएसपी वसन्तकुमार शर्माका अनुसार दुर्घटना एक, दुई दिन अघि नै भएको अनुमान गर्न सकिन्छ । तर जानकारी आज दिउँसो करिब २ बजेतिरै पाइएको हो ।
चालक पुनको शव भिरमा अड्किएकाले निकाल्न कठिन पनि भएको छ ।
पुनका परिवारजनले पनि आफूहरु आएर हेरेपछि मात्रै निकाल्न भनेकाले शव ननिकालिएको डीएसपी शर्माले बताए ।
