-
-
-
-
काठमाडौँ । लगातार दोस्रो दिन नेप्से परिसूचकमा दोहोरो अंकको गिरावट आएको छ । मंगलबार दोहोरो अंकले घटेको नेप्से बुधबार पनि दोहोरो अंकले नै घटेको हो ।
बुधबार नेप्से परिसूचक १४ अंकले घटेको छ । नेप्से १४.१२ अंकले घटेर २७३४.८३ विन्दुमा बन्द भएको छ ।
कुल ३०८ कम्पनीका एक करोड ५३ लाख ६२ हजार २०६ कित्ता शेयर किनबेच हुँदा ७ अर्ब ९१ करोड १९ लाख बराबरको कारोबार भएको थियो ।
सप्तकोशी डेभलपमेन्ट बैंक र सृजनशील लघुवित्तको शेयर मुल्यमा सकारात्मक सर्किट लागेको छ । त्यसैगरी कुठेली बुखेरी हाइड्रोको शेयर मूल्यमा नकारात्मक सर्किट लागेको छ ।
सबैभन्दा बढी जानकी फाइनान्सको ३३ करोड ८६ लाख ३३ हजार बराबरको कारोबार भएको छ भने पोखरा फाइनान्सको २५ करोड ८९ लाख बराबरीको कारोबार भएको छ ।
