-
-
-
-
पोखरा । पोखराबाट नेपालगञ्ज जाँदै गरेको र काठमाडौँबाट पोखरा आउँदै गरेको बस आज दिउँसो तनहुँमा दुर्घटना हुँदा एक बसका चालककाे ज्यान गएकाे छ । साथै २९ जना यात्रु घाइते भएका दुई जनाको अवस्था गम्भीर रहेको छ ।
जिल्ला प्रहरी कार्यालय तनहुँका प्रहरी निरीक्षक राजु अधिकारीका अनुसार पृथ्वीराजमार्गअन्तर्गत तनहुँको बन्दीपुर गाउँपालिका-५ नयाँपुल गोरेचौतारामा गण्डकी जिएए ००७० नम्बरको बस र भे१ख ३४८७ नम्बरको बस एकापसमा ठोक्किएर दुर्घटना भएको हो ।
घाइते सबैको डुम्रेस्थित लक्ष्मी अस्पतालमा उपचार भइरहेको प्रहरी निरीक्षक अधिकारीले बताए । दुर्घटनाका थप विवरण आउन बाँकी छ ।
