सरेको सर्यै भयो एमालेलाई दिएको जग्गा दान विरुद्धको रिट, आज हेर्न नभ्याइनेमा
हाम्रा कुरा
प्रकाशित २०८१ मंसिर ७ शुक्रबार
119
Shares
काठमाडौँ । व्यवसायी मिनबहादुर गुरुङले नेकपा एमालेलाई दिएको जग्गा दान विरुद्धको रिट आज पनि हेर्न नभ्याइनेमा परेको छ ।
सर्वोच्च अदालतका न्यायाधीशद्वय कुमार चुडाल र शारङ्गा सुवेदीको इजलासमा पेशी तोकिएको सो रिट आज हेर्न नभ्याइनेमा परेको हो ।
यसअघि नै न्यायाधीश सुनिलकुमार पोखरेलको इजलासले प्रक्रिया अघि नबढाउनु भनी अल्पकालीन अन्तरिम आदेश दिएको यस रिटमा त्यसले निरन्तरता पाउने कि नपाउने भन्ने छलफलका लागि मुद्दाका दुवै पक्षलाई आज बोलाइएको थियो ।
कीर्तिपुर नगरपालिकाको मैत्रीनगरमा १० रोपनी १४ आना जग्गामा एमालेको पार्टी कार्यालय बनाउने भन्दै गत असोज २५ गते प्रधानमन्त्री एवं एमाले अध्यक्ष केपी शर्मा ओली र गुरुङ दम्पत्तिले भवन शिलान्यास गरेका थिए ।
सत्तारुढ दलसमेत रहेको एमालेले यसरी जग्गा दान लिनु कानून विपरीत भएको भन्दै अधिवक्ता डा ज्ञानबहादुर बस्नेत लगायतले रिट दायर गरेका थिए ।
