-
-
-
-
सुनसरी । सुनसरीको इटहरी उपमहानगरपालिका वडा नं १७ बालग्राम चोकमा भएको सवारीसाधन दुर्घटनामा एक दम्पतीको मृत्यु भएको छ ।
मृत्यु हुनेमा सङ्खुवासभाको धर्मदेवी नगरपालिकाका-३ का ३२ वर्षीय युवराज गुरुङ र उनकी श्रीमती ३२ वर्षीया टीका गुरुङ रहेको जिल्ला प्रहरी कार्यालय सुनसरीका सहायक प्रवक्ता एवं प्रहरी निरीक्षक दिनेश अधिकारीले जानकारी दिए ।
बालग्राम चोकमा को३६प ५६३७ नंको मोटरसाइकललाई पहिचान नभएको सवारीसाधनले ठक्कर दिँदा दुवै जनाको मृत्यु भएको हो ।
गम्भीर घाइते भएका दुवैजनाको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको प्रहरीले जनाएको छ । प्रहरीले ठक्कर दिने सवारीसाधनको खोजी गरिरहेको छ ।
