सीजी इलेक्ट्रोनिक्सबाट निःशुल्क एनपीएलको टिकट जित्ने अवसर
हाम्रा कुरा
प्रकाशित २०८१ मंसिर २४ सोमबार
454
Shares
काठमाडौँ । नेपालमा अहिले नेपाल प्रिमियर लिग (एनपीएल) टी-२० क्रिकेटले माहोल तातिरहेको छ । यो उत्साहलाई अझ बढाउन सीजी इलेक्ट्रोनिक्सले रोमाञ्चक अफर ल्याएको छ ।
सीजी इलेक्ट्रोनिक्सको कुनै पनि ब्रान्डको उत्पादन खरिद गर्दा, ग्राहकहरूले लक्की ड्र मार्फत निःशुल्क एनपीएल टिकट जितेर कीर्तिपुरस्थित क्रिकेट स्टेडियममा प्रत्यक्ष खेल हेर्ने मौका पाउने छन् ।
सीजी इलेक्ट्रोनिक्स अन्तर्गत एलजी, सीजी, टीसीएल, गोदरेज, बेको, सेन्साई, ब्ल्याक एन्ड डेकर, माइडिया, केन्ट, एलिका, क्रम्प्टन जस्ता राष्ट्रिय तथा अन्तर्राष्ट्रिय ब्रान्डहरू रहेका छन्।
यी ब्रान्डहरूले ठूला घरेलु उपकरणहरू जस्तै टिभी, वाशिङ मेसिन, फ्रिज, एयर कण्डिसनर आदिका साथै साना घरेलु उपकरणहरू जस्तै एयर फ्रायर, हीटर, गिजर, भ्याकुम क्लिनर, प्रेशर कुकर, आयरन, कफी मेकर आदि उपलब्ध गराउँछन् ।
यो विशेष अभियानले उत्कृष्ट उत्पादन खरिद गर्नका साथै क्रिकेटको प्रत्यक्ष मज्जा लिनको अवसर पनि प्रदान गर्दछ । घरायसी सामग्री अपडेट गर्ने सोचमा भए वा नयाँ प्रविधिमा लगानी गर्न चाहने भए हरेक खरिदले रोमाञ्चक क्रिकेट अनुभवको हिस्सा बन्ने मौका दिने सीजीले जनाएको छ ।
“हाम्रा ग्राहकहरूको खुशी हाम्रो पहिलो प्राथमिकता हो। यो अभियानले ग्राहकहरूलाई उत्कृष्ट मूल्यका साथ क्रिकेटको राष्ट्रव्यापी जोशलाई मनाउने अनौठो अवसर दिन्छ,” सीजी इलेक्ट्रोनिक्सका प्रतिनिधिले भने । उनले आगामी दिनहरुमा पनि नेपाली खेल जगतलाई सहयोग गर्दै यस्तै योजनाहरुलाई निरन्तरता दिने वाचा गरे ।
