काठमाडौँ। टीसीएल नेपालले पश्चिम नेपालका डिलरहरूसँगको सहकार्यलाई अझ बलियो बनाउन बर्दियामा एक महत्त्वपूर्ण डिलर मिट सफलतापूर्वक आयोजना गरेको छ। यस कार्यक्रममा नवीनतम उत्पादनहरूको प्रदर्शनी, बजार प्रवृत्तिहरूको विश्लेषण, र डिलरहरूसँग दीर्घकालीन साझेदारीको रणनीतिहरू छलफल गरिएको थियो।

टीसीएल नेपालका प्रतिनिधिहरूले कम्पनीको प्रगति, उत्पादन नवीनीकरण, र प्रतिस्पर्धी बजारमा अग्रसर हुने योजनाहरूबारे विस्तृत प्रस्तुति दिएका थिए। पश्चिम नेपालका डिलरहरूले पनि व्यावसायिक अनुभव, चुनौतीहरू, र अवसरहरूबारे अन्तरक्रियात्मक सत्रहरूमा सक्रिय सहभागिता जनाएका थिए।

टिभी क्यूएलईडी टिभीहरूको ४के रिजोल्युशन। एयर कन्डिसनर: इन्भर्टर एयर कन्डिसनरको ऊर्जा-सक्षम प्रविधि तथा अन्य उत्पादनहरू: वासिङ मेसिन, रेफ्रिजरेटर, क्यासेट एसी, साउन्डबार, वाटर डिस्पेन्सर प्रदर्शनीमा प्रदर्शित उत्पादनहरू राखिएको कम्पनीले जनाएको छ।

टीसीएल नेपालका व्यापार इकाई प्रमुख धर्मेन्द्र जोशीले भने, “यो मिटले पश्चिम नेपालमा हाम्रो डिलर नेटवर्क र ग्राहकहरूसँगको सम्बन्ध अझ सुदृढ बनाउने ऐतिहासिक पहल हो। हामीले यहाँका साझेदारहरूको विश्वास र समर्थनलाई निरन्तरता दिने प्रतिबद्धता दोहोर्‍याएका छौँ।” 

कार्यक्रमको समापनमा डिलरहरूको सहयोगलाई सम्मान गर्दै एक भव्य रात्रि भोज र सांस्कृतिक कार्यक्रम आयोजना गरिएको थियो। यस अवसरमा विभिन्न श्रेणीमा उत्कृष्टता हासिल गर्ने डिलरहरूलाई पुरस्कृत गरिएको थियो।

 पुरस्कार विजेताहरू यस प्रकार छन्:

• उच्चतम टर्न ओभर पुरस्कार: गौरव सप्लायर्स, तुल्सिपुर
• निष्ठा उत्कृष्टता पुरस्कार: सुवेक्ष्य ट्रेड एण्ड सप्लायर्स, धनगढी
• उदीयमान डिलर अफ द इयर: सिद्धि विनायक इलेकट्रोनिक्स, बुटवल
• दीर्घकालीन सहयोगी पुरस्कार: गोदावरी इन्टरप्राइजेज, भैरहवा
• उत्कृष्ट लेनदेन पुरस्कार: केदार टेलिकम, महेन्द्रनगर

टीसीएल नेपालले डिलरहरूलाई प्राविधिक प्रशिक्षण, विपणन सहयोग, र गुणस्तरीय सेवा प्रवाह जारी राख्ने बताएको छ।

टीसीएल नेपालको बारेमा:
टीसीएल एक अग्रणी विश्वव्यापी प्रविधि कम्पनी हो जसले टिभी, अडियो, स्मार्ट घरेलु उपकरण, र एयर कन्डिसनरहरू सहित उपभोक्ता इलेकट्रोनिक्स उत्पादनहरूको विस्तृत शृङ्खला प्रदान गर्दछ। टीसीएल मानिसहरूको जीवनलाई बढवा दिने नवीन र उच्च-गुणस्तरका उत्पादनहरू प्रदान गर्न प्रतिबद्ध छ।