पेट्रोलमा प्रतिलिटर २, डिजेल र मट्टितेलमा समान १ रुपैयाँ घट्यो
हाम्रा कुरा
प्रकाशित २०८२ वैशाख १७ बुधबार
966
Shares
तस्बिर – फाइल ।
काठमाडौँ । नेपाल आयल निगमले पेट्रोलियम पदार्थको भाउ घटाएको छ । इन्डियन आयल कर्पोरेशनले भाउ घटाएर पठाएपछि नेपाल आयल निगमले मूल्य समायोजन गरेको हो ।
निगमका अनुसार पेट्रोलमा प्रतिलिटर २, डिजेल र मट्टितेलमा समान १ रुपैयाँ, हवाई इन्धनमा आन्तरिकतर्फ प्रतिलिटर ४ रुपैयाँ तथा अन्तर्राष्ट्रियतर्फ प्रतिकिलोलिटर २९ डलर घटाइएको छ ।
एलपी ग्यास प्रति सिलिन्डर १५ रुपैयाँ ७० पैसा घटेर आएको भए पनि हालको मूल्य यथावत् राखिएको छ ।
यो मूल्य समायोजनले उपभोक्तालाई हल्का राहत दिएको छ ।
