काठमाडाैँ । नेपाली बजारमा आज सुन अहिलेसम्मकै उच्च मूल्यमा कारोबार भएको छ ।
आज शुक्रबार छापावाल सुन तोलामा एक हजारले बढेर प्रतितोला एक लाख ९९ हजार चार सय रुपैयाँमा कारोबार भइरहेको नेपाल सुनचाँदी रत्न तथा आभूषण महासङ्घले जनाएको छ ।
यसअघि बिहीबार सुनको मूल्य प्रतितोला एक लाख ९८ हजार चार सय रुपैयाँमा कारोबार भएको थियो ।
यसअघि साउन २० गते सुन प्रतितोला एक लाख ९८ हजार पाँच सयमा कारोबार भएर अहिलेसम्मकै उच्च मूल्य कायम भएको थियो ।
यस्तै, आज असली चाँदीको मूल्य पनि बढेको छ । महासङ्घका अनुसार आज चाँदी तोलाको १० रुपैयाँले बढेर दुई हजार तीन सय २५ रुपैयाँमा कारोबार भइरहेको छ ।
यसअघि बिहीबार चाँदी तोलाको दुई हजार तीन सय १५ मा कारोबार भएको थियो ।
