आठ करोड ५५ लाख २८ हजार तीन सय ७४ रूपैयाँ बिगो, तीन वर्षभन्दा बढी कैद सजाय माग दाबी
हाम्रा कुरा
प्रकाशित २०८२ असोज २७ सोमबार
1k
Shares
काठमाडौँ । पूर्वसभामुख एवं माओवादी उपाध्यक्ष कृष्णबहादुर महराविरूद्ध काठमाडौं जिल्ला अदालतमा मुद्दा दर्ता भएको छ ।
सोमबार उनीविरुद्ध भन्सार छलेको र संगठित अपराध गरेको आरोपमा भन्सार ऐन, २०६४ र संगठित अपराध निवारण ऐन, २०७० मा टेकेर जिल्ला अदालत काठमाडौंमा मुद्दा दायर भएको हो ।
महरासँग आठ करोड ५५ लाख २८ हजार तीन सय ७४ रूपैयाँ बिगो र तीन वर्षभन्दा बढी अवधि कैद सजाय मागदाबी गरेको छ ।
२०७९ सालमा विद्युतीय चुरोट (भेप) मा लुकाएर ल्याएको ९ किलो सुन तस्करीमा महरा संलग्न रहेको आरोप रहेको छ।
उनलाई आइतबार पक्राउ गरी अनुसन्धान प्रक्रिया अघि बढाएको हो।
यसअघि महरालाई २०८० चैतमा पनि प्रहरीले नियन्त्रणमा लिएर अनुसन्धान गरेको थियो। तर तत्कालीन गृहमन्त्री एवं रास्वपाका सभापति रवि लामिछानेले महरा बिमार भएको भन्दै कानूनको पनि मन हुने भन्दै हाजिरी जमानीमा रिहा गरेका थिए ।
