काठमाडौँ । स्थानीय बजारमा आज (आइतबार) सुन र चाँदीको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार आज पहेँलो धातु (सुन) को मूल्य तोलामा १ हजार २०० रुपैयाँले बढेको हो।
नयाँ मूल्य सूची अनुसार गत शुक्रबार प्रतितोला २ लाख ९२ हजार रुपैयाँमा कारोबार भएको छापावाला सुनको मूल्य आजका लागि प्रतिऔँस र अन्तर्राष्ट्रिय बजारको उतारचढावका कारण २ लाख ९३ हजार २०० रुपैयाँ निर्धारण गरिएको छ।
यसै गरी आज चाँदीको मूल्यमा पनि वृद्धि भएको छ। चाँदी तोलामा ५५ रुपैयाँले बढेको छ। गत शुक्रबार प्रतितोला ४ हजार ८४० रुपैयाँमा कारोबार भएको चाँदीको मूल्य आज ४ हजार ८९५ रुपैयाँ कायम भई किनबेच भइरहेको छ।
अन्तर्राष्ट्रिय बजारमा आज सुन प्रतिऔँस ४ हजार २१० अमेरिकी डलरमा कारोबार भइरहेको महासंघले जनाएको छ। अन्तर्राष्ट्रिय बजारमै मूल्य बढेर नयाँ रेकर्ड कायम हुन थालेपछि त्यसको प्रत्यक्ष प्रभाव नेपाली बजारमा पनि देखिएको हो।
