काठमाडौँ । नेपाली बजारमा मंगलबार सुनको भाउ सामान्य बढ्दा चाँदीको घटेको छ । सोमबारको तुलनामा मंगलबार सुनको भाउ तोलामा तीन सय रुपैयाँ बढ्दा चाँदीको २५ रुपैयाँ घटेको छ ।
मूल्य बढेसँगै मंगलबार छापावाला सुन प्रतितोला दुई लाख ९८ हजार पाँच सय रुपैयाँ पुगेको नेपाल सुनचाँदी रत्न तथा आभूषण महासंघले जनाएको छ ।
यसअघि सोमबार सुनको भाउ प्रतितोला दुई लाख ९८ हजार दुई सय रुपैयाँ रहेको थियो ।
यता सोमबार प्रतितोला पाँच हजार १५ रुपैयाँमा कारोबार भएको असली चाँदीको भाउ घटेर मंगलबार चार हजार नौ सय ९० रुपैयाँ कायम भएको महासंले जनाएको छ ।
सुनचाँदीको मूल्य हालसम्मकै उच्च गत माघ १५ गते भएको थियो ।
उक्त दिनमा सुन प्रतितोला तीन लाख ३९ हजार तीन सय र चाँदी सात हजार पाँच सय पाँच रुपैयाँमा कारोबार भएको थियो ।
अन्तर्राष्ट्रिय बजारमा आएको उतारचढावका कारण स्थानीय बजारमा पनि सुनको मूल्य प्रभावित भएको बजार विश्लेषकहरूको दाबी छ ।
अन्तर्राष्ट्रिय बजारमा हुने उतारचढावका आधारमा नेपालमा महासंघले दैनिक रूपमा सुन तथा चाँदीको कारोबार मूल्य तोक्दै आएको छ।
