-
-
-
-
नोटको आवाज ठूलो भएपछि
भावनाको आवाज सानो हुने रहेछ
पैसाको चमक बढेपछि
आफ्नोपनको रङ फिक्का हुने रहेछ
खल्ती भारी भएपछि
सम्बन्धको तौल हलुका हुने रहेछ
स्वार्थको बजार बढेपछि
विश्वास सस्तो हुने रहेछ
सुखको भोज चलिरहँदा
आफन्तको भीड लाग्ने रहेछ
दुःखको ढोका खुल्नेबित्तिकै
त्यही भीड हराउने रहेछ
धनको उचाइ चढेपछि
मानिसको नजर फेरिने रहेछ
अवस्थाको घाम अस्ताएपछि
आफ्नै छायाँ टाढिने रहेछ।
