झकास झापालीमा हट माला
काठमाडौं। फिल्म ‘रातो घर’को आइटम गीत ‘झकास झापाली’ रिलिज भएको छ । गीतमा माला लिम्बु र अनुरागमानसिंह कुवँरले फिचरिङ गरेका छन् ।
महेश खड्काको शब्द एवं संगीत रहेको गीतमा शशी रावलको स्वर छ । झापामै छायांकन गरिएको गीतमा मालाको बोल्ड एवं सेक्सी अवतार देख्न सकिन्छ ।
सुरज सुब्बा नाल्बोको निर्देशन र निकेश लिम्बुको निर्माण रहेको सिनेमा आउँदो वर्ष रिलिज हुँदैछ । विल्सनविक्रम राई, मेनुका प्रधान, संयम पुरी, गौरव पहाडी लगायतको मुख्य अभिनय छ ।
