-
-
-
-
काठमाडौं । बलिउड अभिनेता वरुण धवन विवाह बन्धनमा बाँधिएका छन् । उनी लामो समयदेखिको लभ अफेयरलाई विवाहमा परिणत गर्ने क्रममा नताशा दलालसँग बाँधिएका हुन् ।
अलिबागको बिच रिजोर्ट द मेन्सन हाउसमा दुवैले सात फेरो लिएका हुन् । उनको बिहेको पहिलो तस्वीर बाहिर आएको हो ।
तस्वीरमा दुवै निकै खुशी देखिएका छन् । वरुणले आफैले बिहेका यी तस्वीरहरु इन्स्टाग्राममा राखेका हुन् । विवाहमा बलिउडबाट केही सेलिब्रिटी पुगेका थिए ।
करण जोहर, मनिष मल्होत्रा, जोआ मोरानी लगायत पुगेका थिए ।
तस्वीरमा वरुणमा पिता निर्माता डेभिड धवन निकै खुशी देखिएका छन् ।
आइतबार जनवरी २४ मा भएको बिहेको हल्दीको कार्यक्रम दिउँसो १ बजे, विवाहको कार्यक्रम ४ बजेपछि शुरु भयो ।
बेलुकी ७ बजे मेन्सन हाउसमा बिहेको बाजा बज्यो । वरुणको प्रवेश भएपछि ‘हिरिये सेहरा बाँध के मैं तो आया रे......’ गीत बजेपछि अगाडि बढ्यो बिहेको कार्यक्रम ।
२ फेब्रुअरीमा मुम्बईमा जेडब्लु मेरिएटमा रिसेप्सन हुनेछ । यो जोडी हनिमुनका लागि टर्की जानेछ ।
