काठमाडौं । बलिउड अभिनेता, निर्माता, निर्देशक फरान अख्तरका बाबु जावेद अख्तरले हालै आफ्नो ७६ औँ जन्मदिन मनाए । फरहान अख्तरले आफ्नो फोटो एल्बमबाट सबैभन्दा राम्रो तस्विर राखेर आफ्नो बुबा जावेद अख्तरको  ७६ औं जन्मदिनको शुभकामना व्यक्त गरे। फरहान अख्तरले आफ्नो क्याप्शनमा लेखे: "जन्मदिनको शुभकामना पा, धेरै माया।"

आइतबार साँझ फरहान अख्तर र उनकी फिल्म निर्माता बहिनी जोया अख्तर मुंबई स्थित जावेद अख्तरको घरमा पुगेका थिए । गत बर्ष बिभिन्न  कलकारहरुले जावेद अख्तरसँगै जन्म दिन मनाएका थिए । त्यस मध्ये एक अनिल कपुर पनि हुन् ।  अनिल कपूरले पनि जावेद अख्तरलाई आफ्नो फिल्म यात्राको स्मरण गर्दै शुभकामना दिए: "जब मैले सोचे कि म यो गर्न सक्दिनँ, तब तपाईंले मलाई भन्नु भयो तिमि गर्न सक्दछौ। त्यसका लागि, म तपाईंको ऋिण कहिल्यै पनि चुक्ता गर्न सक्दिन। धन्यवाद! जन्मदिनको शुभकामना।"

जावेद अख्तर भातीय सिनेमाका सर्वश्रेष्ठ लेखक तथा गीतकार हुन् । उनको जन्म १७ जनवरी १९४५ मा ग्वालियरमा भएको थियो। उनका बुबा जा निसार अख्तर प्रसिद्ध कवि र आमा सफिया अख्तर लेखिका थिइन् । जावेदले एक संवाद लेखकको रूपमा बलिउडमा डेब्यू गरे, पछि उनी स्कृप्ट राइट  र गीतकार पनि बने । जावेद अख्तरले ८ पटक लिरिक्सका लागि फिल्मफेयर अवार्ड प्राप्त गरेका छन्। उनको उत्कृष्ट कार्यका लागि ८ पटक राष्ट्रिय पुरस्कार पनि प्राप्त गरेका छन्। उनलाई भारत सरकारले पद्मश्री र पद्मभूषणबाट पनि सम्मानित गरेको छ।

जावेद अख्तरको वास्तविक नाम जादू हो। उसको नाम पछाडि एक सुन्दर कथा छ। जावेदका बुबाको कविता 'लम्हा-लम्हा किसी जादूका फसानाब होगा' थियो। जावेद नाम जादूसँग धेरै मिल्दोजुल्दो छ, त्यसैले उसको नाम जावेद राखियो। जावेद अख्तर जहिले पनि केहि फरक गर्न चाहन्थे, त्यसैले उनी ४ अक्टूबर १९६४ मा मुम्बई आए। त्यस समयमा उनीसँग खानेकुराको लागि पैसा थिएन न त कहिँ बस्ने घर। धेरै रात सडकमा सुतेपछि उनले कमल अमरोहीको स्टुडियोमा स्थान पाए।

जावेद अख्तरलाई बलिउडमा करियर बनाउन सजिलो थिएन। उनको शुरुआती दिनमा धेरै संघर्ष गर्नुपरेको थियो। एक पटक जावेद आफ्नो स्क्रिप्ट लिएर कुनै निर्माताको मा गए। निर्मातालाई स्क्रिप्ट यति नराम्रो लाग्यो कि उनले जावेदको मुखमा पन्नाले हाने । अनि भने तिमि जीवनमा लेखक कहिल्यै बन्न सक्दैनौ ।

जावेद अख्तरले बलिउडलाई सर्वश्रेष्ठ फिल्महरू दिए। सलीम खानसँग काम गर्दै उनले नयाँ उचाइहरू बनाए। उनीहरूको मित्रता पनि हिट थियो। सलीम खान र जावेद सलीम-जावेद निर्देशक एसएम सागरले बनाए।  सो समय एसएम सागरले कुनै लेखक पाइरहेका थिएनन, त्यसैले उनले ती दुवैलाई एक अवसर दिए।

सलीम खान र जावेद अख्तरको पहिलो भेट फिल्म सरहदी लुटेराको शुटिंगको दौरान भयो । सलीम खान यस फिल्ममा नायक थिए। उनीहरूले सँगसँगै बलिउडमा धेरै सुपरहिट फिल्महरू दिएका छन्। यसमा जंजीर, त्रिशूल, दोस्ताना, सागर, काला पत्थर, मशाल, मेरी जंग और मि. इंडिया, दीवार, शोलेजस्ता चलचित्रहरू सामेल छन्।

यी दुईको जोडीले नै बलिउडमा लेखकलाई दिइने कम शुल्कको प्रवृत्तिलाई परिवर्तन गरे । त्यस समयमा लेखकले नायकभन्दा कम शुल्क पाउथे । सलीम खान र जावेद अख्तरले फिल्म दोस्तानामा अमिताभ बच्चनलेभन्दा बढी चार्ज लिएका थिए ।

यसपछि बनेको पहिलो दोस्तानामा भने जोन अब्राहम, अभिषेक बच्चन र प्रियंका चोपडा थिए।   दोस्तानाकै सिक्वेल ‘दोस्ताना–२’ निर्माण करण जौहरले गरेका छन्। फिल्ममा कार्तिक आर्यन र जाह्नवी कपुर मुख्य भूमिकामा हुनेछन्।